Straits Kitchen (已結業)

平日返工放工，仲要买𩠌煮饭，打工仔都系出街食。呢间餐厅对自己嘅食物系相当自信，啱唔啱食真系要试过先知。点咗蒸仓鱼，炒菜，白饭。鱼：有肉地得唻够滑，冇蒸过龙。本身对豆鼓嘅出现抱住怀疑嘅态度，点知食落去冇个种死咸辟味嘅味道，而真系提鲜。原本豆鼓系厨师自家制，粒粒均捽碎菜：炒菜就炒菜，好奇问下佢哋系咪落咗糖炒，佢哋话冇。我又再次侧哂头至90度问啲甜味边度唻，佢哋话，系鸡汤。手作工夫精致到一个点…饭：冇特色，唔会令我注意到啲乜嘅就系好。软硬适中有饭香，通常出面都唔系成日食倒。整体系：好食啱食。个晚食完唔驶饮好多水，亦都冇因为个口好咸瞓唔著。Btw个菜色叫「儿时回忆」，都令我忍唔住谂起细个放学返屋企同爸妈食饭嘅时刻。食到呢餐晚饭，平常简单但幸福，得来不易。