緣味之家

营业中

休息中

一连两日假，自己一个去餐厅选择又唔多，所以又去左扫街喇。今次黎左葵涌广场，平民既美食天堂，已经好耐无黎喇，又开左好多新铺头，间间都想试呀行过缘味之家，又谂起琴日食完既肥姐，心思思，决定试下呢间既卤味。除左卤味，仲有好多小食，如牛杂，粟米等，都不乏捧场客。今次，我亦都系点左最爱既两样，八爪鱼和细生肠。八爪鱼和细生肠都有惊喜，拍得住肥姐。八爪鱼虽然睇落唔够肥姐既大串，但系胜在够平，8蚊有交易，而且十分爽口。细生肠就有少许猪既味道，但可以接受，亦系爽口弹牙，只系6蚊串。而酱汁方面，亦是加了芥茉甜酱和鼓油，食落同肥姐都几似。两串都只系14蚊，抵食之选。