影片
更多
2020-07-27
254 浏览
连续三日足不出户，趁今天要来北角覆诊，就顺便买埋外卖先返屋企，今次拣咗诊所附近嘅「富临皇宫」。酒楼最近做紧外卖自取优惠，精选小菜、主食和厨师推介，定价低至 48 折，另外海鲜、孖宝搭配、出炉烧味及餐前小食等，亦有唔同嘅折扣优惠，非常抵食。到埗后可以先上一楼问店员攞外卖纸，再坐低慢慢拣，睇啱先落单，亦可以预先打电话订购。点咗两个小菜同一盒炒饭，虽然系外卖，但全部都即点即制，绝不马虎。 先试下个西兰花炒蚌片虾球 (原价 $128、48折 $61)，估唔到都几大盒，分量十足，绝对无将货就价。西兰花水准唔错，熟透度刚好，腍身得嚟仲带少少爽，而虾球亦食得出唔系雪藏货色，够大只又新鲜，配埋爽口鲜甜的蚌片，用来送饭一流。至于盒黑椒香薯牛柳粒 (原价 $118、48折 $57) 亦非常美味，薯仔炸得外脆内松化，牛柳粒半肥瘦，食落软腍适中，加上每颗食材都裹有蜜糖和黑椒汁，够晒香口惹味。另外个扬州炒饭 (原价 $88、48折 $42) 食味亦相当不俗，炒饭用料很丰富，有虾仁、菜粒、蛋丝和叉烧粒等。米饭炒得颗粒分明、干身不油，虽然唔系即食，但回到家享用时，仍然觉得好味。趁有折扣优惠，揾日要再嚟外卖其他小
酒楼最近做紧外卖自取优惠，精选小菜、主食和厨师推介，定价低至 48 折，另外海鲜、孖宝搭配、出炉烧味及餐前小食等，亦有唔同嘅折扣优惠，非常抵食。
到埗后可以先上一楼问店员攞外卖纸，再坐低慢慢拣，睇啱先落单，亦可以预先打电话订购。
点咗两个小菜同一盒炒饭，虽然系外卖，但全部都即点即制，绝不马虎。
先试下个西兰花炒蚌片虾球 (原价 $128、48折 $61)，估唔到都几大盒，分量十足，绝对无将货就价。西兰花水准唔错，熟透度刚好，腍身得嚟仲带少少爽，而虾球亦食得出唔系雪藏货色，够大只又新鲜，配埋爽口鲜甜的蚌片，用来送饭一流。
至于盒黑椒香薯牛柳粒 (原价 $118、48折 $57) 亦非常美味，薯仔炸得外脆内松化，牛柳粒半肥瘦，食落软腍适中，加上每颗食材都裹有蜜糖和黑椒汁，够晒香口惹味。
另外个扬州炒饭 (原价 $88、48折 $42) 食味亦相当不俗，炒饭用料很丰富，有虾仁、菜粒、蛋丝和叉烧粒等。米饭炒得颗粒分明、干身不油，虽然唔系即食，但回到家享用时，仍然觉得好味。趁有折扣优惠，揾日要再嚟外卖其他小菜试下。
张贴
