富臨皇宮

营业中

休息中

宜家夜晚冇得堂食，食肆空空如也，不少食肆都靠外卖维生，个个都减价抢客，呢度做四八折，标榜「平过自己煮！」，至少唔使洗碗都好呀。😂😂落单之后都见到有几个客人一齐等紧，不过店员话厨房得一两个师傅，所以大家要耐心等待。菠萝生炒骨（$42 ），酸酸甜甜送饭一流，生炒骨多肉多汁，几唔错。虽然装唔满个外卖盒，但系食落觉得份量都OK嘅。北菇海参扣鹅掌煲（$61），鹅掌炆得够腍同入味，冬菇好大只，好似平时去饮𠮶啲咁，一样炆得够腍，个底有好多菜，索晒啲精华，整体都好好味。瑶柱金菇炆伊面（ $42 ），份量好多，不过拎到返屋企食就焗到腍和湿咗啲，同埋馅料比较少，不过以呢个价钱来讲，算系咁啦。