彩龍大酒樓

营业中

休息中

我就系俾呢句宣传句子引左入去，睇下系咪真系咁巴闭？俾几个公共屋村围住既屋村酒楼，同其他屋村酒楼一样通病，星期六、日忙到爆，星期一至星期五晚就拍乌蝇，一楼直头改埋做茶舞同晚舞（睇黎晚舞几好生意咁㖞？），地下得十零张台做返晚饭夜市，睇下张菜单Ｄ价钱又真系几得人惊，免茶、免介、免加一，冬瓜盅都系卖$48，一般小菜都系二、三十蚊；左睇右睇？我点左鲜虾、带子炒西兰花同海蜇拼叉烧（孖宝价$88），蒜蓉蒸扇贝$38 半打，海蜇韧左Ｄ，叉烧半肥廋，仲系真正烧出黎既叉烧，（唔系Ｄ先浸熟再烧一烧个面Ｄcheap 野），带子同虾都爽甜，有五只虾同五只带子，西兰花爽口得黎唔太硬，两样菜式份量同一般小菜冇分别，非常抵食，蒜蓉蒸扇贝比较细只，味道都ok，加上大量蒜蓉粉丝，可以连个白饭都悭返，饭后仲有红豆沙糖水送，我问你死未？冇花冇假，埋单$126 蚊落楼，招呼祇可以用称职黎形容，有礼貌有笑容已经相当唔错，平到咁既价钱，八点坐到九点都系围持住五台客左右既入座率，边个话经济复苏架？其实世界仲系好难捞..........