唐記包點 (建德大樓)

营业中

休息中

协和街 唐记长期都咁多人排队买嘢食，皆因一个字「平」， 讲真每日特价一个蒸饭都只系15蚊去边度揾呀！--章鱼肉饼饭肉饼够大件，入面有章鱼粒粒，马蹄粒粒，够晒爽口弹牙，饱肚一流。 白饭又真的靓仔唔会烂pat pat。 最重要系畀咗好多菜唔会怕唔够纤维。---鸡蛋牛肉饭牛肉系山竹牛肉，又可以当多样点心食，劲大块。---杞子烧卖唔系普通鱼肉烧卖，入面有虾有猪肉， 肚饿买返4粒饱肚最好选择，烧卖 猪肉唔会太肥唔会太瘦， 爽滑味浓。-仲有样嘢不得不提的是唐记有冻包卖， 比蒸热咗嘅平得多。 是日特价系12蚊三个菜肉包，仲平过食空气菠萝包呀。 入面有肉有菜够晒营养均衡又饱肚。-香菇鸡包另外仲叫咗香菇鸡包， 系另外一款有纤维有肉嘅选择。 木耳丝爽口，鸡肉唔会个柴，亦都唔会过咸，食完唔会感觉好多味精。-奶黄包除咗行包当然仲有甜包今次叫咗奶黄包。奶黄包一打开就见到金黄色嘅奶皇， 奶香浓郁，咸蛋味够咸香， 热辣辣食非常一流。