村上鐵板日本料理 (已結業)

今日黎食午市，见佢唔系好贵就入去试下，反正未试看。入去既时候都唔算好旺㖞，大概只有半满多D。佢本应安排左我地坐入边，点知个侍应又倒泻野，跟住就叫我地坐另一边，但系个度好大阵味，抽烟系统麻麻地，我地又要求调位。最后安排左我地坐近门口既位置，不过其实对正冷气口好冻，但我都唔敢出声啦。><午市好似有大概10款选择，我地就叫左一个杂锦鱼生饭同埋一个清汤牛肉锅，就跟面豉汤同饮品。不过个面豉汤好咸呀，而且入面无咩料，得几块紫菜，最后我都因为佢太浓味所以无饮哂。杂锦鱼生饭其实一D都唔杂锦，我望黎望去都剩系见到三文鱼同玉子，其他咩鱼生都唔见。间唔中有一两粒八爪鱼出现，不过系靱到完全咬唔到，所以几乎系无鱼生可言。再讲佢D饭都唔好食，温度系微暖，好淋无口感，唔得呀~~~清汤牛肉火锅系正常既，但就真系好清无咩味，不过眼见个汤底好似好多油咁。佢材料有好多，蟹柳，鱼蛋，鸣门卷，金菇，黄芽白等等，全部都唔难食但都唔系特别好食，就系无咩特别啦。主角牛肉过熟，所以又系好靱，而且无咩牛味，虽然明白咁既价钱唔会有好野食，但食落去都真系麻麻啰。虽然价钱系平，不过我都系觉得唔好食几平都无用，所以唔会有下次啦。