影片
更多
2010-08-01
18 浏览
老豆D同事同佢講..去西上環個邊飲茶除左蓮香系列...其實都有隱世高手....老豆番來同我講我話當真? 於是老豆同我講左西環呢間野...先睇個地址..嘩係西環尾尾...直頭到摩星嶺不禁嚇左一跳..但奈何食指大動+好奇心作怪...所以我地都係去左一試....店舖開門時間時零辰2點幾...相信好多人都覺覺豬中.....但我地都唔係呢個時候去...老豆選左5點幾呢個鐘數..接近天光先有飲茶feel...但冇辦法...搵唔到車..只可以坐的士...行駛西環海邊既高速公路真係好快..10分鐘唔駛就到..但落車時呆左一呆...因為真係條內街入面仲有門面非常不顯眼+沒有任何地標係附近以作相應..而且門口旁邊拉左閘 完全唔似飲茶的地方..點都好反正來到都要殺入去...入到去地方唔算大..但周圍坐滿人..而且非全部老年人...都有幾堆年青既一輩..伙計不停周圍走..出點心又有..包點心又有(係食客視線內),當然還有清台同落單..老細自己收銀同時都出來幫埋手..可見真生意真係好誇張來到是為飲茶也當然是為了點心..但肚子空間有限..只能品嚐到11種點心,分別係:燒賣:入口鬆軟,而且唔乾身 咬落去好入味 第一
店舖開門時間時零辰2點幾...相信好多人都覺覺豬中.....但我地都唔係呢個時候去...老豆選左5點
幾呢個鐘數..接近天光先有飲茶feel...但冇辦法...搵唔到車..只可以坐的士...行駛西環海邊既高速
公路真係好快..10分鐘唔駛就到..但落車時呆左一呆...因為真係條內街入面仲有門面非常不顯眼+
沒有任何地標係附近以作相應..而且門口旁邊拉左閘 完全唔似飲茶的地方..
點都好反正來到都要殺入去...入到去地方唔算大..但周圍坐滿人..而且非全部老年人...都有幾堆年青既一輩..伙計不停周圍走..出點心又有..包點心又有(係食客視線內),當然還有清台同落單..老細自己收銀同時都出來幫埋手..可見真生意真係好誇張
來到是為飲茶也當然是為了點心..但肚子空間有限..只能品嚐到11種點心,分別係:
燒賣:
入口鬆軟,而且唔乾身 咬落去好入味 第一樣食既就有驚喜
雞扎:
所有野都非常入味,但最驚喜竟然唔會用火腿 芋頭 而係用豬肚
干蒸牛肉:
乾身得來唔硬..而且好香 食完想再食
蝦餃:
皮身一d都唔厚..蝦都一d都唔霉..出色
牛肉腸:
腸粉反而有少少失色..牛肉少一來..二來皮太厚
流沙包:
呢個真係唔可以唔讚 咬落去超香..金黃色既野流出來非常美觀吸引, 香既係d蛋黃香 令人食完非常想再食..所以我地再叫多一次
叉燒包:
入面既料同出面差唔多 味道都係,唯一就係包身咬落去冇咁鬆軟,可能冇學出面加d粉整鬆個包身. 食落去健康d..但可能未必習慣
棉花雞:
味道好好 但感覺同食雞扎一樣..只是少了層皮
鳳爪:
其實都幾好食.色冇咁搶而已..但有樣野衰d 就係佢d爪冇去到d指--感覺怪怪的
金錢肚:
一睇色已經好吸引...食落口唔難咬..而且好惹味
豬手:
南乳味好香,....本身都好o念..但有一舊有少少毛...
如果要食環境服務咁呢度就唔駛考慮...但純粹想食好野呢度就係好選擇...但想三五成群一齊來搵大台..就有點兒難度 因為真係好爆好坐得好迫..同埋位置真係比較偏僻..所以來之前睇定地圖會好d
张贴
