影片
更多
2021-08-16
121 浏览
星期日刚好去完美食展，疫情关系，今年会场入面无野食。下午三点呢啲时间，有d饿但系又唔想食太饱。妹妹话呢间缘聚有做下午茶点心，而且几抵食。于是一行三人就入去医肚。点心套餐$88，免两人茶位。可选一个饭再配两个点心。我地拣左凤爪排骨饭，虾饺同埋鸳鸯烧卖。呢个抵食，份量充足并无将货就价。如果叫其他点心就收多一位茶钱，我地一行三人叫左个套餐变相就免左2位既茶钱。其他点心整体都唔错，选择非常多，份量同味道都系正常水平。（套餐）排骨凤爪饭排骨算系有几多下，凤爪就少啲得两只。非常大碗，两人有多既饭量。（套餐）虾饺蒸起热腾腾上枱，粒粒饱满充满鲜虾，皮亦唔算厚，正常既水平。（套餐）鸳鸯烧卖原虾烧卖王配牛肉烧卖，两款都正常好味。鱼肚棉花鸡睇相都见到鱼肚份量好足，正！煎酿茄子炸起热辣辣，应该系即叫即炸。茄子厚厚一旧，鱼肉份量亦十足，配埋甜豉油，正呀呢份令人好满足。而家出面好多地方都系预先炸起放到，又或者薄切厚子配小小鱼肉⋯但呢份煎酿茄子，缘聚真系算得上系真材实料。香煎萝卜糕煎到两面都微微金黄焦脆，萝卜糕有少量萝卜粒系当中增加口感，粉既份量适中唔会太硬，配甜酱一齐食岩岩好呀。凤爪正常水平。呢个好难整得唔好食吧
疫情关系，今年会场入面无野食。
下午三点呢啲时间，有d饿但系又唔想食太饱。
妹妹话呢间缘聚有做下午茶点心，而且几抵食。
于是一行三人就入去医肚。
点心套餐$88，免两人茶位。
可选一个饭再配两个点心。
我地拣左凤爪排骨饭，
虾饺同埋鸳鸯烧卖。
呢个抵食，份量充足并无将货就价。
如果叫其他点心就收多一位茶钱，
我地一行三人叫左个套餐变相就免左2位既茶钱。
其他点心整体都唔错，
选择非常多，份量同味道都系正常水平。
（套餐）排骨凤爪饭
排骨算系有几多下，凤爪就少啲得两只。
非常大碗，两人有多既饭量。
（套餐）虾饺
蒸起热腾腾上枱，粒粒饱满充满鲜虾，
皮亦唔算厚，正常既水平。
（套餐）鸳鸯烧卖
原虾烧卖王配牛肉烧卖，
两款都正常好味。
鱼肚棉花鸡
睇相都见到鱼肚份量好足，正！
煎酿茄子
炸起热辣辣，应该系即叫即炸。
茄子厚厚一旧，鱼肉份量亦十足，
配埋甜豉油，正呀呢份令人好满足。
而家出面好多地方都系预先炸起放到，
又或者薄切厚子配小小鱼肉⋯
但呢份煎酿茄子，缘聚真系算得上系真材实料。
香煎萝卜糕
煎到两面都微微金黄焦脆，
萝卜糕有少量萝卜粒系当中增加口感，
粉既份量适中唔会太硬，
配甜酱一齐食岩岩好呀。
凤爪
正常水平。
呢个好难整得唔好食吧？
金钱肚
够稔够入味
牛栢叶
开头望落去比佢吓亲，以为个份量点解咁少既？
原来系我误会左佢，呢只系碗，并唔系碟。
所以份量同味道系正常既。
底部配少少薯粉，吸左酱汁个味，唔错。
香茜牛肉球
大大粒，又系份量十份。
牛肉球带上淡淡芫茜既香味，
点埋喼汁食，非常正。
排骨肠粉
呢个几抵，特价$7.8。
唔系特别好食但亦唔系难食。
张贴
