生隆餅家 (已搬遷) 新店位置

以前一提起砵仔糕，芝麻卷，定必会谂起深水埗坤记，不过时至今日，呢间店今生今世应该都唔会再帮衬喇，好彩同样喺深水埗，另一间良心小店都有呢类怀旧中式糕饼卖，而且价钱仲平啲，质素仲高啲添🤗。生隆饼家有超过二十年历史，由黄先生一家经营，前舖后工场，每日源源不绝供应砵仔糕，芝麻卷，糯米糍，白糖糕，鸡屎藤茶果，红姜皮蛋酥，南乳酥，老婆饼，马仔，米通，牛耳，蛋散，虾子花生等传统小吃。我试过几款，全部都真材实料，好好味，其中最钟意芝麻糕，大大件只卖五蚊，芝麻味浓郁又唔太甜 ，好正👍；另外，糯米糍十蚊三个，又系超级抵，红豆味皮薄馅多，好食到唔停得口🤤，花生味香甜有咬口，都十分唔错。传统老店表态唔做黑警生意，实在需要好大嘅勇气，因为随时会得失多年老主顾，不过好几次过到去，都喜见生意滔滔不绝，卖嘢阿姐收钱收到冇停手😆，顾客除咗上咗年纪嘅叔叔婶婶外，估唔到都有唔少后生仔女，可见有麝自然香，有好嘅质素，自然会有人支持。