蟹點

营业中

休息中

朋友新搬入海怡半岛，话楼下的餐厅又平又正！今日我地终于都去左试一试，又真系好高质又抵食！呢度有潮式，泰式同中式的菜式任均选择！好适合一家大细/朋友聚会。姜葱抄蟹：呢个姜葱抄肉蟹真系我食过咁多中菜馆里面最出色！！首先炒得非常够镬气，姜和葱的味道都非常出，蟹肉结实新鲜！食落去非常鲜甜，一点儿腥味都无。餐厅非常好会提供埋手套比我地，我地个个都食到赞不绝口。餐厅中菜出色，但无想过泰式料理都非常有水准，生海虾冰镇过后，肉质更为紧致有弹性，加上蒜片和辣椒片点上特别调制的酱味道甜鲜层次更丰富。沙巴龙趸仔价钱不贵只系$148一条，够4人食用。清蒸后的龙趸肉质嫩滑，可以食得出鱼肉本身鲜，而且蒸鱼豉油不会过咸，刚好。最后仲叫左炒芥兰和白饭，整顿饭经济又实惠！！！下次一定同屋企人再光顾。