川味亭

营业中

休息中

做完运动超级肚饿，一出尖沙咀地铁站见到边间就食边间，见到呢间串烧价钱合理，谂都唔谂就入去试，点知开心大发现，食到成枱都系都系几百蚊买单，竟然比我发现呢间平靓正串烧，好开心。鸡肾同埋牛舌超好味，牛舌系厚切好有口感，味道亦都调校得好好，唔会太辣但好好味。海鲜我哋叫咗烧大虾，烧蚝，烧多春鱼同清酒煮蚬全部都好好味，大虾成只手掌咁大只，爽口弹牙，蚝直头食到有海水味，多春鱼亦都系大大条，正。仲有清酒煮蚬，只只蚬都系胀卜卜，好味。烧丸类一定无衰，爽口弹牙，日本蕃薯粒系饱肚之选，最惊喜系烧芝士年糕，劲流心大大旧，芝士咸咸地但年糕又甜甜地，食2旧都唔会好溜，一定系必食之选啊。