木屋燒烤

营业中

休息中

木屋烧烤 (旺角)旺角弥敦道593-601号创兴广场地下A号舖人山人海要等位，排队10分钟都好值得，好香，吸引咗好多人等食，打开个价钱牌有惊喜，真系好平㖞！烤土豆片好正！外脆内软，咬落去口感一流。撒咗啲盐同香料，麻辣度系最刺激。烤醋浇娃娃菜几特别，个甜酸味好醒胃，唔辣，但又有刺激感，应该系醋中和左辣，但仍然好香同清新，食落去唔会觉得腻口，食唔停。烤鸡脆骨咬落去𠮶阵，脆骨口感真系超级正！外面金黄爽口的，里面又有肉的弹性，层次丰富。烤干鱿鱼干身挺直，用手套好易搣，外面烤得香脆，入面保持住咗啲弹性。咸香味浓，搭配芥末，味道升华左。烤生蚝🦪生蚝烤得刚好，肉质鲜甜，热辣辣，会岀烟，卖相睇落大只又涨卜卜，引起好大嘅食欲。电白干鱿炒米粉色香味俱全，米粉炒得够松散，唔会黐埋一齐。干鱿入味，唔油腻但偏咸，烟靭嘅质感。麦兰鸭屎香柠檬茶茶叶带有自然香气，闻落好似香水，颜色清澈透亮，散发著淡淡柠檬香气。柠檬酸甜交织恰到好处，冇孙涩味。