許榮記飲食專家

营业中

休息中

同不理由元朗出来，在波鞋街扫货后，见肚空空，专程走入广华街揾食，小小的一条街，似样的店子就只得这里，就是想试试这里的鱼蛋。问阿叔有无鱼面，佢话无就叫了碗鱼蛋鱼饺面加云吞，阿叔好似撞聋左咁又问即系鱼饺定鱼蛋呀，有点顶唔顺，就话是但啦，打孖上饺同蛋都要再加埋云吞！不理好简单，只要了腩河。潮式清汤底上，鱼蛋做得几爽滑，味精唔多，有水准，如果说泉记的鱼蛋是掂的话，这里的是超掂，云吞同鱼皮饺同一馅料是猪肉，云吞则加多了虾，味道十足，自家制的货仔，既有心机做，值得加分。不理的腩河亦有水准，齐辑辑的切成条状，肥肉相间，脂肪渗在肉间，炆得唔算好腍，但肉味十足，值得一试。阿妹成日话香港无平靓正的野食，呢间绝对可以符合佢几要求，当然食唔食得出十蚊碗同廿蚊碗的分别是后话。