阿來泰式地道風味 (已結業)

听讲阿来泰式地道风味嘅海南鸡饭几好食，早排试咗一次，果然唔错。呢个海南鸡已经去咗骨，方便食用，鸡嘅份量算多，肉质唔嚡够咸味，配埋油饭，只卖五十蚊，性价比高。另外，泰式肉碎生菜包都好食，通常食亲生菜包，食到最尾，都系冇哂生菜剩返啲肉碎😂，呢度嘅生菜就份量较多，肉碎调味亦够，除咗咸味同辣味，仲有我最钟意嘅青柠味道。至于蒜蓉炒通菜饭同泰式炒粉丝就正常味道，唯一系个金柚子鲜虾沙律认真麻麻，沙律太干，柚子更有苦味。总括而言，呢度嘅食物味道较浓，重口味嘅人应该会钟意。