檸檬冰室 (冠天閣)

营业中

休息中

懒洋洋，唔想煮饭嘅日子，今次去食好多朋友推介嘅柠檬冰室。简简单单叫咗个二人晚餐，两个𩠌、跟白饭，餐汤及饮品。🥢🥢店员推介下拣咗鲍鱼鸡煲同菠萝生炒骨，餐汤系青红萝卜汤，饮品我哋分别加$8，upgrade咗椰汁红豆冰同埋蛋白杏仁茶。🍲🍲鲍鱼鸡煲上菜热辣辣好惹味，有鲍鱼同鸡肉，配有冬菇同洋葱，好香口，份量算好多。二人餐嚟讲，真系好抵食。🍍🍍菠萝生炒骨炸得好香口，粉浆唔会太厚，好入味，加埋洋葱同菠萝，劲开胃。🍺🍺嚟到最有惊喜嘅饮品，估唔到椰汁红豆冰系超巨型size，绝对可以两个人饮。入口好香嘅椰汁味，加埋红豆，有得饮有得食，我当食埋甜品。另一个蛋白杏仁茶，质素都好高，杏仁好香，味道唔会太甜。👍🏼👍🏼总括嚟讲，百几蚊嘅二人晚餐，无论环境、服务、食物质素都超值，绝对会再帮衬呀。