鮮果園

营业中

休息中

今日嚟到食店林立嘅葵涌广场3/F战区买杯嘢饮，而今日拣嘅就系呢间鲜果园。黄色铺面写上密密麻麻嘅menu，一眼就见到佢相当鲜明。首先讲讲呢杯一直以嚟都好钟意饮嘅芒椰芦荟先，芒果浓郁，芦荟大粒，消暑解渴一流。跟住就讲讲呢杯大大杯芒果特饮，价钱$22蚊。都有一段时间无嚟，可能呢杯嘢对呢头嘅街坊就唔算新，但我就第一次饮。首先睇都睇到佢嘅size大好多，但都只系俾多$6蚊，讲紧份量多咗之余内容都有提升，就系多咗层奶盖，令到成杯嘢嘅香味增强咗好多。分开食用又得，加入芒果搞匀亦可以，仲为啲芒果增加咗个层次。呢个size嘅饮品平均都卖$30，呢个价钱真系冠绝全巷。