林洪記

营业中

休息中

同事最近发现咗间平靓正嘅蒸海鲜，呢日收工特登带我嚟试。位于街市熟食中心嘅林洪记，离港铁站6-8分钟，环境企理，有冷气叹，地方又大，属本土地道风味，食物唔错，价钱平，除咗蒸气火锅，仲有任食鸡煲！蒸气火锅价钱包埋汽水任饮，转任饮啤酒都只系加$20/位。餐牌上仲有埋各款海鲜嘅烹调时间👍🏻海鲜拼盘有桶蚝/鲜鲍鱼/大元贝/龙虾/贵妃蚌/美国牛小排/虫草滑鸡/海虾。鲍鱼非常新鲜，仲生猛到系咁郁！新鲜肉质的确唔同，食落一啲都唔韧。龙虾肉雪白，肉质极之弹牙，味道好鲜甜！贝壳类冇沙，好鲜味！海虾啖啖肉，款款海鲜都好正呀👍🏻👍🏻牛小排牛味香浓，油脂甘香😋虫草鸡肉质嫩滑！差唔多食哂个海鲜拼盘，就事不宜迟，即刻加单。可以免费追加嘅食物超过50款🥳为免浪费，每次可追加十。我地加咗唔少海鲜，仲有肉类，蔬菜😋蒸气火锅清清地，又可以食到各款食材嘅原味道👍🏻好惊喜连炒辣蟹都有！好惹味。