亞來泰菜 (已結業)

刚好阿妈生日，想食泰国菜，细佬就提议一间放假好多人等位既泰国菜，位置系远少少，在元朗洪水桥，但有车尚算方便。于是一行五人就揸车入去。平日去到都要等一张枱，假日就要预早等位，不过八人以上可留枱。一坐下，叫个生虾，有十只，大只，好味。再来木瓜沙律，清新够辣。泰式凤爪，一上枱第一啖以为唔够味，捞均后先发觉辣味回甘。炒个耶菜苗，好好食，好新鲜，够镬气。大冬阴公汤，不过不失，正常水准。猪手就真系值得一试，入味，够林，皮香，汁浓。海南鸡一只，有鸡味，唔鞋。面包黄咖哩牛肉，食完个包仲要叫个白饭，好惹味。胡椒泰式猪肉，一上枱我口水已流出来，真系好香。最后叫左芒果布丁同椰青糕，爽甜清新。成餐饭仲叫左三支星哈啤酒，埋单唔洗一千，去边度揾。