龍門冰室 (已結業)

龙门冰室又平又正~呢个就系我食极唔厌既原因!呢排仲爆红左~吸引好多人黎帮衬呢间良心餐厅~大家预要排一阵队入座~传统英式早餐次次都系食焗饭，今次就叫左个ALL day breakfast试下~材料有德国纽伦堡肠、炒滑蛋、烟三文鱼、烟肉、大啡菇、薯饼、焗豆、多士跟餐有汤有野饮同沙律~绝对够饱! 沙律系杂果沙律，d沙律酱多到唔驶钱咁~超豪迈!搞到我忍唔住食哂!饮完个餐汤all daybreakfast就上台~呢度既炒滑蛋煮得比较熟，唔系水汪汪果种，蛋皮叠埋一齐有d口感，薯饼、烟肉呢d香口野一定冇得输，但估唔到个肠仔咁出色，好香猪肉味，唔错!牛仔骨拼炸带子铁板餐要等得耐d~但见佢系面前咋咋声热辣辣就觉得等得值!黑椒汁调味适中，唔会过咸，配牛仔骨食一流!牛仔骨肉质松软容易咬，带子有3粒，炸得外脆内软~成碟用黎捞饭食好快清哂!土匪鸡翼呢度既土匪鸡翼同平时食开既唔同，味道有d玫瑰花香，好特别，一客4只，作为小食唔错!下次再试其他唔同野先