活蘭印度素食 (已結業)

今日同太太返中大行下，得知开咗新印度素食餐厅，一齐去撑下枱脚试下味，叫咗两味加两杯野饮。1. 米饼配薄荷汁一流，个汁调味好好。本身Pani Puri喺香港都唔易揾，以前喺重庆大厦试过味道麻麻，呢间味道好好多，亦平过出面。2. 芝士班戟都几好，芝士份量够足，又唔会太浓味。3. Mango 同 Banana Lassi味道都唔错，甜得嚟唔会漏，用椰汁有惊喜。环境方面，位处中大玻璃屋，泳池加山景，相当享受，座位亦算舒适。Overall，性价比高，值得推介同支持。