MYC CAFE (已結業)

长沙湾愈开愈多靓cafe❤️依间新开仲要平靓正！五十几蚊有意粉、汤、饮品，而家真系好难揾。牛油果他他吉列鱼堡，鱼柳大大块，大过手掌嘅size，食落香脆软滑仲好juicy，酱汁有番茄、椰菜丝同沙律酱混合，但略嫌唔太食到牛油果味。配菜薯条即叫即炸，份量唔少，好香脆，外脆内软。香草汁大虾扁意粉，炒得好香，有啲黑椒好够味，虾大大只，弹牙，唔会有雪藏味。跟餐有南瓜浓汤，好香浓但略嫌南瓜味淡咗啲。饮品拣咗接骨木花茶，好少地方有仲要唔洗加钱👍🏻好香，饮落有淡淡蜜糖味，但都唔会太甜。仲有幅花墙啱晒打卡，趁住新开未系好多人发现就好去食啦🤣🤣