華記士多 (已結業)

几年都唔黎一次西湾河，难得出黎就梗系处理一下口袋名单，拣左华记士多。华记士多都算近太安楼，小店一间，有瓦遮头嘅只有几个位，其余喺后巷开枱仔，有心理准备环境就一般，但比起我去过一啲有坑渠嘅后栏，比下有余。周日下午茶时间坐满人，搭枱系基本。姐姐们几好笑容，由于已经食左野先黎，我地两人分享一个饭，都冇任何不悦，用餐愉快。餐牌只有三款饭：芝士咖喱蛋包饭、咖喱蛋包饭、台式卤肉饭，定价$38/43，附送茶/啡/菜蜜，冻饮同价，去边度揾。如果唔系后巷，一般茶记都收4、50蚊啦。9成9人都点咖喱饭，厨房不停制作，上菜速度快。咖喱蛋包饭 $38蛋包饭卖相赞，一啲都唔颓，滑蛋紧紧包裹饭粒，淋上满满咖喱汁，见到都流哂口水蛋奄列薄身、好滑溜，完全唔老，油就点都有架喇。揭开奄列，里面有满满热辣辣嘅豉油饭粒，好似有少少猪油咁；仲有鸡肉，有诚意。配典型盒装𠮶种日式咖喱块开成嘅汁，酱汁稀身，想像得到嘅，唔会好辣，少少甜，好好送饭，讲真自己一个都轻松食得哂可能我食得多颓颓茶餐，真系唔会太harsh，我觉得值得一试，性价比高；当然如果对环境、后巷呢啲好反感嘅，就唔建议啦