喇沙專門店 (已結業)

自从两年前去过马来西亚旅行之后，好耐都无食过喇沙，因为怕香港嘅质素同当地嘅有距离。今次经过西九龙中心，心血来潮就想回味吓，于是就帮衬咗都几出名嘅喇沙专门店。星期日嘅晚上七点，西九八楼Foot court有几间舖(包括喇沙店)已经大排长龙，所以畀完钱后，都要等咗大概15分钟先有得拎。好在店家有准备传呼器，一有得拎就哔哔响，唔驶企喺门口斋等。四十几蚊有个面连饮品(纸包饮品转汽水加2蚊)，价钱都算合理，但食落口先发现质素之高，呢个价钱简直超抵。汤底够香够浓，有少少辣，但唔会辣到痺果只。面底同鸡扒质素都唔错。配埋解辣嘅可乐，简直一流啊！食到咁上下，见佢都拉半闸咯，好似系啲存货不多卖晒，各位星期六日要试嘅话，最好夜晚7点前到啦。