砂煲兄弟 (悅來坊) (已結業)

今日提早做冬，就返长辈方便，一家人去咗位于荃湾悦来坊嘅「砂煲兄弟」食煲仔饭同特色小菜。黑椒苹果牛柳粒：水果菜式出面都好多，例如菠萝生炒骨，士多啤梨骨... 苹果牛柳粒反而第一次食。牛柳粒好嫩滑，牛肉味都好香。苹果粒就较为有趣，一开始望落去以为系菠萝，入口咬开咗先知原来夹咗苹果。苹果炒完都仍然好鲜甜。梅菜蒸芥兰：出面比较少见嘅菜式。我本身都惊惊地芥兰𠮶阵草青味，无谂过原来用梅菜嚟蒸芥兰都可以去到𠮶阵味，而且仲好香悔菜味好好食添。脆炸麦皮鸡翼：鸡翼大大只，包住层麦皮嚟炸，面头脆口、鸡肉则滑溜嫩滑多汁。最好嘅系鸡翼系一字骨，食起上嚟方便好多。鹅肝慢煮牛柳煲仔饭：一个好中西fusion嘅煲仔饭。「砂煲兄弟」建议要趁热食，将鹅肝㩒碎、捞混成个煲仔饭，同埋唔使加豉油。店舖咁样讲，我哋当然跟住依个建议食法嚟捞好个煲仔饭，每啖饭都充满鹅肝香味，再配上嫩滑嘅慢煮牛柳，同埋煲仔饭最紧要嘅饭焦，正！西班牙腊肠排骨煲仔饭：依个煲仔饭最特别之处就系用西班牙腊肠取代咗传统嘅腊肠。西班牙腊肠比起传统腊肠鲜甜，而且食落无传统腊肠咁咸，排骨亦都好嫩滑。脆皮猪手：好惊人嘅份量，无4-6人真系唔建议点嚟食。猪手皮脆到同烧乳