珍意泰國菜館 (已結業)

呢间舖头装修简单，有茶餐厅感觉，门口贴有好多泰国旅游资料。殊不知入到去原来舖位又深又大，有大枱细枱适合唔同组合嘅客人。今日点咗个午市套餐：秘制海南鸡饭 $50份量充够，差不多有半只海南鸡，足够送哂碗饭有余。鸡肉肉嫩鲜甜有鸡味，经过冷热交替，鸡皮变得好爽口，而且皮肉分明。海南鸡的酱料系带有姜蓉的甜豉油，可以点鸡或淘饭，甜甜地又带点姜的微辣，十分惹味。冬瓜汤清甜可口。最特别系碟饭配搭了猪红，猪红爽口爆汁，非常好味！