影片
更多
2011-10-09
11 浏览
虽然响湾仔返工，但当日咁啱同同事 V 都响九龙区上完庭后差唔多食 lunch 时间，所以两个人胆粗粗咁约埋「半蛇王」咁去食早 lunch。同事 V之前话呢间嘢新开食物唔错，于是就落咗尖沙咀到食 lunch。环境 & 服务去到...真系窒咗窒 - 门面好 grand 好靓，虽然当时应系食 lunch 嘅高峰期，但入面人唔多，心谂肯定系贵嘢，但同事 V 拍心口话唔贵...OK..照入。一入门，几个近门口嘅待应即时望住咁话欢迎呀、几多位呀，反应好快。坐底后，待应即时冲茶＞ 放底点心纸（餐牌？）＞ 介绍有咩餐 & 有咩推介食物后，即刻行开比时间你谂食咩，唔会企响到系咁迫你落 order，印象分即时大加~可能装修得好 grand，所以食客讲嘢时都细声 d，又有好柔和嘅 background music，绝对唔会好似出面食肆咁，嘈到爆。眼见都有唔少食客系情侣 & 疑似「上等人」。感觉好舒服。餐牌嘛...可能新开舖，所以只有一张纸咁比你 tick 食咩。但入面有成三十几四十样食物，冇相真系有 d 难拣食咩。都算有心嘅系 - 有 mark 星星果 d = 推介食物。第一次食，当然系穏阵咁食有 mark
环境 & 服务
去到...真系窒咗窒 - 门面好 grand 好靓，虽然当时应系食 lunch 嘅高峰期，但入面人唔多，心谂肯定系贵嘢，但同事 V 拍心口话唔贵...OK..照入。一入门，几个近门口嘅待应即时望住咁话欢迎呀、几多位呀，反应好快。
坐底后，待应即时冲茶＞ 放底点心纸（餐牌？）＞ 介绍有咩餐 & 有咩推介食物后，即刻行开比时间你谂食咩，唔会企响到系咁迫你落 order，印象分即时大加~
可能装修得好 grand，所以食客讲嘢时都细声 d，又有好柔和嘅 background music，绝对唔会好似出面食肆咁，嘈到爆。眼见都有唔少食客系情侣 & 疑似「上等人」。感觉好舒服。
餐牌嘛...可能新开舖，所以只有一张纸咁比你 tick 食咩。但入面有成三十几四十样食物，冇相真系有 d 难拣食咩。都算有心嘅系 - 有 mark 星星果 d = 推介食物。第一次食，当然系穏阵咁食有 mark 星星果 d 先啦...再睇食物价钱，见系相当相宜...ok..即丧叫嘢食 (￣+▽￣)
食物
茶
估唔到佢地系用玄米茶，仲要几浓果只，即时心情大好。食到咁上下，佢地会帮你拎走壶茶去加热水，唔似其他同类食肆咁一系你唔叫佢地永远唔会理你壶茶 or 只系过黎睇吓你仲有冇茶就算。超感动 :_)
墨西哥叉烧包 size 唔大，个皮好软...好似餐包咁软，一咬，认真要小心烫口，我估系即叫即焗，唔似系焗咗一大堆，有人 order 时先响焗炉拎比你 - 因为一 D 都唔硬。估唔到嘅系你真系会见到一粒粒唔细嘅叉烧，而唔系好似有 d 食肆咁比叉烧酱你就算..唔错...唔错。
三文鱼长春卷响澳门永利轩食过頪似嘅，见到香港竟然有，即叫。一入口真系差 d 渌亲，因为真系好脆好热。咬开，同墨西哥叉烧包一样，见到有大大粒三文鱼!! 好食过永利轩好多! 食咗一条唔点跟住黎嘅酱已觉好味，食第二条时点佢个疑似芝麻酱，仲好味! 最后，我自己一个唔理同事 V，食哂三条..（认真唔好意思哟）
糯米鸡恕我孤陋寡闻...黎到后我问佢呢个系咩... 囧rz... 呢个糯米鸡同我地食嘅用叶包住嘅好唔同，佢用蛋夹住 D 糯米。由于唔似一般嘅糯米鸡咪湿立立 & 油冧冧，食完唔觉漏。可以试试~
猪润肠唔知系咪要整猪润嘅事前工夫麻烦，所以好多食肆都唔会有呢个菜式。个肠粉皮好薄好滑，猪润一 d 都唔腥，证明事前嘅程序做到好足。佢地仲好有心咁将猪润切得细细粒之余唔会堆埋一边。Total 有三条，三条 d 猪润份量都分布平均。所以虽然皮薄，但夹起黎唔会跌埋一边。如果可以，下次我会托待应将豉油分开上 - 我自己食肠粉只系落好少豉油。但同事 V 话正，因为佢地真系落好多甜豉油，啱佢㖞~
薯丝猪颈肉平平无奇嘅猪颈肉，但当你食埋伴碟果 D 薯丝嘅话就变得相当好食。猪颈肉本身食多两旧会觉得好腻，仲要系好热嘅猪颈肉。但同冻冰冰、酸咪咪而又好爽口嘅薯丝一齐食（or 轮住食），即时冇哂肥腻感。一个又热又腍，一个又冻又爽口，一拍埋，成碟嘢好大对比，变得好好食。当时有个冲动想叫待应问厨房 D 薯丝系点整。
食完，埋单 around 百松 D...平过饮茶。总括黎讲，样样都好好食。由于成张点心纸有成三十几四十样嘢，加上食物水准高（又价钱相宜呢~），好难唔返转头食。下次会试冰镇奶茶（见到好大杯）+ 虾饺（隔离枱情侣话粒虾好爽好大粒）+ 牛肉烧卖 & 桂花糕（另一张枱师奶甲话有烧卖杞子..唔干身好「牛」，师奶乙话桂花糕好清，唔太甜）+ 炸鸡翼（另一张枱个妹妹仔话好味道㖞）。希望到时有本有埋图嘅餐牌睇吓，可以比我容易 D 拣嘢食~其实食到大约 1:40 p.m .时，开始好多人入黎。到 2:00 p.m. 全场已爆。原来尖沙咀食 lunch 时间同中环金钟湾仔好唔同... *O*
张贴
