軟橋米苔目餐廳 (已搬遷) 新店位置

米线周围都有，但米苔目就唔系度度有，同埋呢度嘅小食都好出色。入到去系传统嘅面铺台凳，唔算特别，但店员姨姨十分有礼貌，亲切友善，有耐心咁介绍食物，比人有种家嘅感觉。我叫左一碗米苔目配番茄汤底，牛肉，木耳，生菜，粟米猪肉饺，走韭菜葱。米苔目食落去口感烟烟韧韧，感觉好特别，我亦好钟意呢个感觉，汤底系用鲜蕃茄制作，感觉好健康，牛肉嫩滑，木耳丝够脆口，粟米猪肉饺带有香甜粟米味。（$61）另外一碗系幼薯粉配猪骨汤底，金菇，冬菇鸡肉饺，墨鱼丸，酸菜。薯粉质感比较爽滑，金菇爽甜，墨鱼丸鲜味弹牙，酸菜相对上比较普通，而冬菇鸡肉饺最令我喜出望外，真系好香菇味，同鸡肉配搭非常得宜。（$56）其实以我地呢啲「大𩠌子民」黎讲每碗都叫四个𩠌真系抵到烂又可以食到好满足。小食方面，我地叫左醉香猪双脆（$25）同秘制猪大肠（$32）。醉香猪双脆系猪耳同猪利，带有少少酒香令人觉得开胃。秘制猪大肠炆得嫩腍，超级入味好食。如果唔钟意食咁多肉嘅朋友可以试下Q弹豆腐，我以前试过也不错哦。呢间餐厅唯一不足之处系铺面比前面嘅档口遮左，变得唔太起眼，但距离地铁站只系两分钟路程，唔远又抵食，所以都好推荐呢间餐厅。