Egyptian House Restaurant & Bazar (已結業)

经过isquare,上open rice search 特色餐厅，成日食日本嘢有d厌，无意中发现了呢间埃及餐厅有好多好评，朋友去过埃及，话通常埃及菜都好好食，决定上去试下.呢间楼上私房菜，楼下无招牌，揾了一阵先揾到，㩒门钟有侍应开门，见全舖几张枱都坐了人，有香港人有当地local,个心定一定，通常有当地local 去的餐厅中伏机会不大，侍应好有礼貌，带了我地去望到电视的位坐低及俾了餐牌，本身对埃及菜不太熟识，唔系甘知order 咩好，大厨出了来招呼我地，好nice 问我地钟意食咩，朋友系食肉兽，我地order 了腌青瓜，埃及烤肉饼，肉丸及羊架⋯侍应先送上腌青瓜，好味，之后系焗得香口的烤饼，入面烤肉充满肉汁，未上枱已经闻到香味扑鼻，之后系肉丸同羊架，用秘制酱汁，羊架肉质鲜嫩，一点也不鞋口，d食物最吸引抵讃既地方系每一样菜未上抬已经香味四溢，食材食得出系新鲜的，同埋热辣辣，出面好多餐厅忽略了呢机样嘢，但其实呢样嘢系最仲要，今餐真系食得好满足,埋单，不收加一，茶餐厅价钱，下次一定再嚟😁😁😁