麺屋武蔵虎洞 (青衣城) (已結業)

疫情期间不可以去旅游，但系要清公司假期，朋友同我都钟意食日本沾面，佢买咗两个上嚟一齐食，然后一齐去行山。两份都系沾面套餐，「白虎汁」比我，「黑蒜汁」就系佢自己；仲加咗小食炸鸡同饺子，两罐可乐。「白虎汁」有浓厚豚骨味，「黑虎」就有浓香蒜头味；面条比较粗身，有咬头，非常有挂汤能力，我哋两个都话好好味。炸鸡嘅脆浆做得非常松化，鸡肉好Juicy，点埋佢超好味带微酸嘅白汁，非常开胃惹味。日式煎饺子🥟亦都皮薄馅靓，加上葱花，沾上日式酸醋汁，好味。外卖包装得非常好又有系统，食得好方便，估唔到叫沾面外卖都仍然咁好食😋，要赞👍。朋友话网上外卖平台都可以订到呢间日式拉面外卖，有机会试吓先。