圓老爺雞煲小廚 (已結業)

今日阿妈唔想煮饭，就梗系落街请阿妈食餐好㗎啦，唔好以为食好嘢就一定系好贵呀，元朗嘅呢间元老爷，简直可以话系平靓正，平民嘅价钱，食到大厨级嘅手细，真系物有所值呀。首先前菜我哋叫咗个皮蛋豆腐，原来如此豆腐同皮蛋架，上面总会有啲肉松，入口甜甜地，真系好开胃，虽然豆腐都只系用一般嘅百福豆腐，但系胜在够冻，而且配上皮蛋，入口感觉美味，精粹仲要系佢个汁，作为前菜，真系好好味。市招炒圣子王，圣子超级大只，而且鲜味十足，够晒镬气，入口爽甜弹牙，食到我阿妈嘴舐舐。蜜桃虾，啲虾超大只，只只都炸到胀卜卜，啲粉唔会好厚，最重要嘅系个汁酸酸甜甜好开胃，又唔会太过酸，虾肉爽口弹牙，师傅果然好嘢。酸菜龙趸，你未绝对系呢餐饭嘅精髓，出边食开嘅酸菜鱼，都系用普通嘅生鱼或者淡水鱼，但系呢度竟然用嘅系龙趸，而且份量十分之大，酸菜鱼嘅味道唔会太酸，比较着重花椒嘅香味，龙趸份量好多，而且鱼肉厚身，就连层皮都又爽又弹牙，啖啖肉，里面总会有啲薯粉，薯粉朔晒酸菜鱼啲汁，有一种食紧酸辣粉嘅感觉，果然美味。