金牌小龍 (已搬遷) 新店位置

本人到尖沙咀都几钟意到I-square 食饭，贪佢近地铁站不怕风吹雨打有戏院又相对少人。餐厅既座位非常宽敞，唔会同邻座太近可以静静倾计。蒜泥白肉$52好重蒜同辣味，薄薄既白肉有肥有瘦可以点到好多酱汁。台式担担面$38好浓味好重麻酱味，我本人本身偏爱麻酱味浓既担担面所以非常满意。酥炸黄花鱼$62本身都钟意食黄花鱼，有清蒸同酥炸，外面比较少见酥炸的大鱼，就点左呢个。非常喜爱，炸完后内里的鱼肉依然非常滑，唔洗点酱都好好味。蟹皇小笼包$48小笼包皮薄烟靭，不易破烂，但小笼包唔够热唔够多汁，汤汁无乜蟹皇鲜味，比较失望的菜式。