豆乳狂人 (已搬遷) 新店位置

今日去开河畔探朋友，见佢话呢间日日排哂长龙，走个阵顺便买黎试下！全间铺啲野都好岩我口味🤣买左豆乳，甜品同小食，当晚餐🤣手工炸豆腐落足椒盐，够重口味👍🏻仲炸得好脆！重点系份量劲多！要左杯豆乳奶盖饮品，超多料😱饮一杯都好饱，有西米，珍珠同豆腐花！第一次试豆乳奶盖又几唔错，无芝士奶盖咁腻！甜品叫左杨枝甘露同三色芋圆，芋圆好烟韧，估唔到配料都好出色，红豆煲到好绵起哂沙！杨枝甘露唔同其他铺，佢落碌柚，岩我呢个碌柚狂🤣食完明点解咁多人排，又平又好食！！！