千杯串居酒屋

营业中

休息中

病咗一段时间，终于攞到permit出街食下饭，好感动。，朋友就带咗我去朗屏附近一间居酒屋食饭，同我庆祝下。😍😍餐厅装修系日本风情，除咗有一啲日本风景画之外，墙壁放满咗好多清酒樽做装饰，加埋几盏日式吊灯，好有feel。😄😄由于大病初愈，今次我就冇饮酒啦，叫咗杯四季春水果茶，味道好清新，略酸，唔会过甜，啱晒我。💕💕冇几耐就开始有野食啦。 首先黎既系牛魔王拼盘。拼盘有两串牛舌，两串牛柳粒，一串冬菇同一串烧和牛。牛舌油脂香，牛柳粒烧得啱啱好，好易咬香，而且牛味突出。和牛比牛柳更添一份溶化既口感，非常唔错。☺️☺️之后黎既黎五花腩，肥瘦层次分明，调味简单用盐同黑椒，已经好足够。💕💕😄😄之后黎既系八宝蟹皇天丼。丼饭材料丰富，有天妇罗蛋，一整只软壳蟹，蟹肉，蟹膏酱，蟹柳同蟹籽等等。软壳蟹炸得好香脆，冇油淋淋既感觉。蟹肉蟹膏酱配饭亦非常搭配！😄😄最后系甜品系营火烧忌廉棉花糖脆脆。面头铺咗四粒烘过既棉花糖，外脆内软。下面系cream同Oreo碎，相信呢个组合系唔会有得输既！大满足！💕❤️😍😄