Oma's Kitchen

营业中

休息中

难得平日放假，同老公入黎珀丽湾拍下拖行下沙滩，吹下海风，放松心身的好去处。未到5:30就开始肚饿，老公钟意食德国菜，于是就问下有冇位，职员好快就安排坐位俾我地，而我地选择左坐系室外，望住青马大桥同海景。餐厅布已经好有圣诞气氛🎄到处都有圣诞老人🎅叫左杯Diesel-Mixture of beer and coke,容易入口，女生首选。首先系烤德国猪腿，份量唔少，仲有酸菜，薯蓉，沙律菜，酸青瓜，一d都唔hea 。入口皮脆肉嫩，真系好脆，放耐左都唔会变靭，唔洗点汁已经够入味。另一道系烤排骨，份量都系唔少，少脂肪，d肉都好入味。最后系茄汁意粉，面头铺满芝士，不过味道相对普通。职员服务都好好👍🏼又会帮忙影相📸️食物价钱方面抵食，净系食个景都值得。又可以静静地拍下拖，吹下水。