暌記潮州飯店 (已結業)

潮州打冷今日第一次写食评，当然要拣番间屋企附近嘅好嘢食。呢间暌记开咗响新蒲岗都好多年，虽然响垃圾房隔离，但好多时夜晚都座无虚席。咁受欢迎当然有佢嘅原因啦，所以今日同小学同学叙旧，就选择左黎你度，贪佢够平又好食！我哋一坐低，就叫姐姐来介绍有咩好嘢食，姐姐话椒盐鲜鱿，胡椒猪肚汤，椒盐豆腐，蚝仔粥都好多人点！ 先讲讲蚝仔粥，我哋七个人点左个大嘅蚝粥都好够分，蚝粥好足料，豪仔肉同瘦肉嘅比例差唔多有一比一，同埋粥底都好杰身，唔会食粥食到好似饮水咁，而且啲米煮得唔会太林，咬落有口感，个个都话正！ 再来椒盐豆腐，豆腐炸得金黄，有落外面硬硬地，但入面好软，而且味道咸咸地，上面仲有啲炸蒜，非常惹味！ 呢个八珍煲都好唔错，朋友话呢个好抵食，估唔到入面有大虾，粉肠，猪润，豆腐，呢煲野真系好足料，而味道就好似平时食豆腐火腩煲嘅酱一样，好正！