囍 (已結業)

今日去完香港仔行山, 行山行到攰攰哋啦, 就嚟返香港中心附近, 见到开咗间餐厅, 个名都几特别, 叫做囍嘅餐厅, 原来系有放题食嘅, 仲系打边炉嚟添, 价钱都非常平, 任食只不过系148蚊, 火锅放题当然唔会错过喇!原来佢哋有个黄金鸡木瓜椰子汤 做汤底, 汤头非常之清甜, 黄金鸡份量非常之大, 肉厚之余, 鸡肉非常滑, 椰子汤底配搭打边炉嘅火锅配料简直系个绝配!另外仲有食到草饲牛肉, 同埋黑豚肉, 草饲牛肉肉味非常浓郁, 有口感, 而火锅放题配料非常之多大概有三十多种, 有大量嘅蔬菜提供, 另外仲有丸物, 除此之外仲有乌冬, 面条, 汽水任饮, 呢个价钱真系冇得输另外最特别就系嗌咗个狮头鲜鹅肠, 基本上我非常少食, 38蚊就一于试, 口感几几特别, 又够爽脆!