新南苑私房菜火鍋鷄煲 (華僑商業中心) (已搬遷) 新店位置

曾几何时新南苑依个名号，好早已经存入我嘅耳中。以前坐落喺观塘仁爱围巴士总站旁嘅大排档，现在已经重建。昔日嘅风光不再，但系味道依旧可以喺香港唔同嘅角落揾到。 旺角嘅呢间新南苑鸡煲火锅，秉承以前喺观塘嘅传统，晚晚爆场，侍应仲话前一晚做到三点先收工。可见餐厅依旧够晒平靓正，好多捧场客。 三个人点咗最平靓正果个餐，有海鲜，有丸类，有甜品有牛肉，有免费任饮，免费蔬菜，包罗万有尽在一煲，丰俭由人。 前菜蟹子沙律做得都唔错，简单食物却味道不俗，帮我哋填下肚仔。 麻辣木耳做辣，车厘茄好甜好新鲜，油炸鬼系一阵间落入鸡煲内嘅，但已经唔太脆。 鸡煲嘅份量颇多，叫咗小辣，麻香味十足。要分三次炒， 炒完出嚟配料味，麻辣味好香，味道好惹味，食到咀lam lam, 鸡肉啱好嫩滑,系几好食。 食完鸡煲打边炉,叫咗个清清哋嘅猪骨汤底。虽然唔系咩贵价煲，但却系廉价嘅美味。 咁嘅价钱食到咁靓嘅牛颈脊肉，都算系咁。牛肉鲜色 有纹理，质感软淋而带浓郁嘅牛味。 海鲜拼盘有虾， 蛏子，鲍鱼，脆鱼鲩，龙趸，大蚬， 真系值回票价。海鲜都好新鲜，蛏子同埋鲍鱼，质感结实而带嚼劲。鲜虾爽甜新鲜，龙趸肉，脆鱼鲩大大块，鲜味浓郁， 贝壳类大大只