曼谷水門海南雞飯 (已結業)

今日同旧同事难得约出黎，顺便食埋early dinner先返屋企。呢间小店得四样食物同饮品，代表餐厅对自己既食物一定好有信心，一于入去食。我地当然嗌晒四样食物啦，分别系正宗水门海南鸡饭、泰式软绵绵猪手饭、青木瓜沙律、芒果糯米饭，饮品要青柠梳打、乌龙茶。正宗水门海南鸡饭鸡肉嫩滑，黄姜饭姜味几出，连酱汁都唔错。泰式软绵绵猪手饭猪手皮真系软绵绵，肉质唔够鸡肉嫩滑，但胜在量多。青木瓜沙律对我黎讲都颇辣，但旧同事就好钟意呢种辣。芒果糯米饭唔会好甜，有白米同紫米，紫米几有咬口。青柠梳打好够气，可以嗌走甜架。