影片
更多
2016-04-27
3422 浏览
最近突然好想饮茶，同埋想饮传统既酒楼，一黎气氛真系有别于出面新式点心食店，二黎价钱都会平啲！于是呀妈就话同我去揾间怀旧中式酒楼，过左个好满意又悠闲既下午呀~呢到有好多特价点心，上面果张系4点前都有既，下面果张系下午茶，$7.8一个点心您话而家几咁难揾丫~见佢咁平，我地一次过叫哂银针粉，桂花糕，椰汁绿豆糕，叉烧包同菜肉包双并，全部$7.8，真系好想叫哂成张纸呀哈哈家乡银针粉：其实银针粉我自己都有整过，好易整，但出去食而家就真系好少见有喇，所以妈咪就话一定要试下。如图所见，$7.8黎讲真系好大兜！配料方面都有炒蛋火腿果啲，炒得岩岩好又唔会话好油腻，又饱肚又好味。椰汁绿豆糕同桂花糕唔会话太甜，同样都系一笼3件，绿豆量当然唔多，但以呢个价钱，有得食下甜品，清甜加埋涷涷地咁，绝对要叫啦呢个双并包包就满足哂我想食叉烧包又想食菜肉包既贪心食货唔好睇少个包呀，佢啲包皮好薄，不过饀唔系话满哂个包，但味道都唔错，只系叉烧略嫌唔够多，但个包皮的确令人有惊喜由于个叉烧包令我好想食叉烧所以就叫左个下午茶叉烧濑粉，叉烧就不过不失啦量都唔少，濑粉既量就好多！$16有咁既质素真系唔知边到揾黎到我最想推介既野喇！就系呢
呢到有好多特价点心，上面果张系4点前都有既，下面果张系下午茶，$7.8一个点心您话而家几咁难揾丫~
见佢咁平，我地一次过叫哂银针粉，桂花糕，椰汁绿豆糕，叉烧包同菜肉包双并，全部$7.8，真系好想叫哂成张纸呀哈哈
家乡银针粉：其实银针粉我自己都有整过，好易整，但出去食而家就真系好少见有喇，所以妈咪就话一定要试下。如图所见，$7.8黎讲真系好大兜！配料方面都有炒蛋火腿果啲，炒得岩岩好又唔会话好油腻，又饱肚又好味。椰汁绿豆糕同桂花糕唔会话太甜，同样都系一笼3件，绿豆量当然唔多，但以呢个价钱，有得食下甜品，清甜加埋涷涷地咁，绝对要叫啦
呢个双并包包就满足哂我想食叉烧包又想食菜肉包既贪心食货唔好睇少个包呀，佢啲包皮好薄，不过饀唔系话满哂个包，但味道都唔错，只系叉烧略嫌唔够多，但个包皮的确令人有惊喜
由于个叉烧包令我好想食叉烧所以就叫左个下午茶叉烧濑粉，叉烧就不过不失啦量都唔少，濑粉既量就好多！$16有咁既质素真系唔知边到揾黎到我最想推介既野喇！就系呢到既碟头饭！佢午市时段就每碟都系$36，款款睇落都好吸引，我系咕噜控黎，见到咕噜肉就梗系大叫话要食啦，一黎到个份量真系吓亲我！完全仲大碟过平时茶记既份量！鱼大概有5-6旧，炸䊢完全唔厚之余鱼都好新鲜，最正系佢既汁完全唔吝啬，每啖饭都有咕噜汁，酸甜适中又开胃，三十几蚊真系无得输，下午茶既话只系要$28，下次真系叫两碟都得呀
一定会再黎食
张贴
