侍元

营业中

休息中

今日同朋友去黄大仙拜神，拜神前先叉叉电先。见到呢间侍元系黄大仙原来有分店，之后就入左去食了。之前帮衬过荃湾个间分店，觉得真又平又靓又正，所以今次都同朋友见到就黎食了。睇过餐牌，真系好抵食，又有拉面或饭,而且仲有好多唔同口味，正呀，总有一款岩自己口味。而且仲有可跟餐，都好抵架，加十几廿几蚊就有杯野饮，仲有个小食。我同朋友就一人点了一个主食，再加汽水。都好抵食。呢度仲有下午茶餐牌。而且都好抵食，但可惜我地未到两点，而又好肚饿，唔等了。好啦，讲下食左d咩先我点了一个蒲烧鳗鱼饭，鳗鱼饭唔差架，最令人赞赏既系好多好多鳗呀，份量好多，一片又一片既鳗鱼，肥美惹味，用黎送饭一流呀，而且个饭又唔会好干身，淋上恰到好处既鳗鱼汁，香香甜甜，一啖又一啖，好正，呢个价钱有咁高质既鳗鱼饭，唔错唔错。朋友点了黑蒜油酱油汤拉面，黑漆漆既黑蒜油汤底极之惹味同香，我坐对面都闻到阵阵香气。入面仲有叉烧、溏心蛋，性价比好高既拉面，份量都好足，好好味呀。又香又浓又足料，真心唔错。呢间餐厅好抵食，仲真系有好多款唔同既款式。