板上 (中海日升中心) (已結業)

观塘呢一类工厂大厦林立嘅地方，总系有一啲卧虎藏龙嘅小店。今日嚟到骏业街熟食中心那边，发现咗一间原本喺深水埗都有分店嘅板上。同深水埗分店嘅唔同，呢一间板上入边嘅位置好舒适，而且仲有啤酒同大电视，好适合一班人倾计饮下酒谈心，睇波都系一个好地方。除咗啤酒之外，呢度嘅咖啡原来系Coffee Brown，咁绝对系质素嘅保证！大阪烧大阪烧只系买$32。都算系好惊喜，除咗猪肉和椰菜之外，仲加左鱿鱼，所以食落口感觉好爽口。加埋日式嘅烧汁同沙律酱，唔系好想食饭嘅时候，叫一碟呢个就够晒饱肚。唐扬炸鸡炸鸡偏干身，而且都唔系好大九。如果对日式炸鸡有要求嘅话，呢一碟小食可能令你失望。日式煎饺子饺子新鲜炸起只系廿几蚊都有六只，用黎送酒一流！今晚唔想饮酒，反而叫咗一杯泡沫咖啡。咖啡入口香醇，温度掌握得十分之好，绝对谂唔到系呢一间小店，可以饮到如此优质嘅咖啡。一年前左右， 喺深水埗近荔枝角道试过板上，都觉得呢一间小店性价比十分之高。难得系观塘开咗分店，附近嘅上班族当然唔可以错过。