北海道食堂 (已結業)

呢排心情唔多好，今日放假，老公带我出去shopping 兼撑枱脚散心早两个月经过呢道，老公已经话想食呢间北海道食堂，不过𠮶次太多人排队，所以放弃咗。今晚ok㖞，等3张枱，10分钟左右就有得入啦。佢个menu望落好丰富， 基本的日式饭、刺身、 shabu shabu 、串烧、寿司、沙律、小食、牛扒都有几种可以拣 我哋点咗呢期推介嘅足量三文鱼子爆丼 ( 有松叶蟹肉同吞拿鱼蓉)呢个饭真系超级惊喜呀 店员拎碗饭上枱嘅时候系一碗白饭上面铺咗一旧吞拿鱼蓉 mix 松叶蟹肉，跟住，佢打开个木桶，一壳一壳一壳鱼籽毕落去碗饭度， 足足3大壳，超劲满足，真系见到都兴奋，未食都已经满 食落口都唔讲得笑，啲鱼仔好新鲜，喺个口度一粒粒咁爆，好鲜甜，正 吞拿鱼蓉同埋长脚蟹肉好夹，成个饭都好好味 另一样叫咗嘅系和牛味噌杂菜煮定食。个份量一样系唔讲得笑，$108 抵到烂。超大份和牛shabu shabu，个底有椰菜、芽菜、甘笋。最紧要系个蒸蛋，好食到冇朋友，又香甜又滑。叫咗两个饭，所以我哋拣一个沙律做前菜。见到 MENU 有海葡萄，当然唔会错过喇，我哋就点咗个海葡萄豆腐野菜沙律。OK，清清地，$40 份量啱啱好够两个