影片
更多
2024-06-08
2233 浏览
朋友英国返嚟，话好耐无食日本嘢，去到旺角，打开openrice，结果就拣左呢间。第一样一定要介绍先嘅系海鲜丼，三文鱼海胆饭($98)，$100都唔洗就可以食到海胆㖞，本来想加多少少钱食靓一级嘅海胆，可惜已经售罄。海胆1d腥苦味都无，而且仲好鲜甜，加少少Wasabi、豉油，伴饭进食，简直系人间美食，朋友仲夸张到大口摆入口食，话靓海胆就系要大啖食先够正。除左刺身饭之外，我地仲有炸芝士年糕($36)，正常高质，外脆内软，年糕烟烟韧韧。日本南瓜天妇罗($48)外皮脆浆够薄，唔会食到满口油腻嘅感觉。蒜烧茄子($38)又系我嘅心头好，多蒜到可以就咁𢳂蒜食，配上微脆肉嫩嘅茄子食非常可口惹味。最后share埋北海道芝士蛋糕($20)，软糯绵密嘅口感作结。刻意要清楚写低食物价钱，因为这间餐厅真系性价比极高。整晚最贵的就是海鲜丼，其他食物全部唔过$50，两个人只系食左大约($300)，朋友边食边概叹自己返英国就无这个口福了。
第一样一定要介绍先嘅系海鲜丼，三文鱼海胆饭($98)，$100都唔洗就可以食到海胆㖞，本来想加多少少钱食靓一级嘅海胆，可惜已经售罄。海胆1d腥苦味都无，而且仲好鲜甜，加少少Wasabi、豉油，伴饭进食，简直系人间美食，朋友仲夸张到大口摆入口食，话靓海胆就系要大啖食先够正。
除左刺身饭之外，我地仲有炸芝士年糕($36)，正常高质，外脆内软，年糕烟烟韧韧。
日本南瓜天妇罗($48)外皮脆浆够薄，唔会食到满口油腻嘅感觉。
蒜烧茄子($38)又系我嘅心头好，多蒜到可以就咁𢳂蒜食，配上微脆肉嫩嘅茄子食非常可口惹味。
最后share埋北海道芝士蛋糕($20)，软糯绵密嘅口感作结。
刻意要清楚写低食物价钱，因为这间餐厅真系性价比极高。整晚最贵的就是海鲜丼，其他食物全部唔过$50，两个人只系食左大约($300)，朋友边食边概叹自己返英国就无这个口福了。
张贴
