影片
更多
2019-09-23
713 浏览
同事生日，我地约左去旺角吉寿食放题。我地份工有样好，就系放得早，收工即刻去食早场。早场平啲之余，人少啲，野食新鲜啲，上 菜又快啲。呢间一晚有6个价钱，除左宵夜时段，基本上就系愈早愈平，最早场的话，计埋加一每人都唔洗$200。野食方面﹕吉寿喺放题黎讲算系平，但食物选择唔输蚀，同其他放题店差唔多，有齐剌身、寿司、天妇罗，炸物、锅物、串烧......除左画纸仔，仲有啲食物系自己出去攞既﹕包括沙律、汤、章鱼小丸子、雪糕等等，种类之多，不能尽录。饮品选择都唔少，罐装、樽装、盒装放满几个饮品柜，值得一赞系有热饮柜，食得多剌身寿司呢啲生冷野，饮啖热饮又可以继续食。食放题，剌身系重点，前后叫左两轮﹕赤虾、帆立贝、甜虾都好鲜甜好味，鱼类剌身就细片啲，但数量真系写几多比几多。寿司既饭细细旧，可以食多几件唔怕饱。炸野全部上枱都热辣辣，新鲜炸起，吉列蚝好好食，忍唔住食完再encore. 另外都推荐榴梿炸弹，好特别，其他地方未见过，外面脆脆地，入面充满榴梿蓉，好香好好食。串烧就一般，牛舌都唔错。除此之外，个人推介仲有烧馒鱼同萝卜牛腩。馒鱼我认为系剌身以外既回本之选，而且佢都几肥美，必叫。食放题有萝卜牛腩真系估佢
呢间一晚有6个价钱，除左宵夜时段，基本上就系愈早愈平，最早场的话，计埋加一每人都唔洗$200。
野食方面﹕
吉寿喺放题黎讲算系平，但食物选择唔输蚀，同其他放题店差唔多，有齐剌身、寿司、天妇罗，炸物、锅物、串烧......除左画纸仔，仲有啲食物系自己出去攞既﹕包括沙律、汤、章鱼小丸子、雪糕等等，种类之多，不能尽录。
饮品选择都唔少，罐装、樽装、盒装放满几个饮品柜，值得一赞系有热饮柜，食得多剌身寿司呢啲生冷野，饮啖热饮又可以继续食。
食放题，剌身系重点，前后叫左两轮﹕赤虾、帆立贝、甜虾都好鲜甜好味，鱼类剌身就细片啲，但数量真系写几多比几多。
寿司既饭细细旧，可以食多几件唔怕饱。炸野全部上枱都热辣辣，新鲜炸起，吉列蚝好好食，忍唔住食完再encore.
另外都推荐榴梿炸弹，好特别，其他地方未见过，外面脆脆地，入面充满榴梿蓉，好香好好食。串烧就一般，牛舌都唔错。除此之外，个人推介仲有烧馒鱼同萝卜牛腩。
馒鱼我认为系剌身以外既回本之选，而且佢都几肥美，必叫。食放题有萝卜牛腩真系估佢唔到，仲要系好入味好腍，但呢个系要自己出去攞，唔知系咪晚晚都有。
我地一边吹水一边食，唔觉唔觉食左两个钟，食到好饱，饱到雪糕都食唔落，哈哈。
我地已经约定下次再黎，因为性价比高，平之余啲野又好食，坐得又舒服，服务又唔错。
张贴
