Donbini

营业中

休息中

荃湾Aeon大装修，新起左一个foodcourt，今晚就同左屋企人去试下。Foodcourt位置都多，唔难揾位，而且地点方便，荃湾西站过去都系5分钟路程，我地见主打自选日本丼饭既Donbini价位都合理而且见人地食份量都唔少，今晚就拣左佢。腐皮饺子（3件）：佢系将D馅料酿入日式油扬腐皮，新食感而且味道唔错。烧鲭鱼定食：烧鲭鱼外皮香脆，内里鲜嫩多汁，配菜仲有薯仔蛋沙律同鱼仔，仲有饭素系日本米上面。吉列大虾蛋包饭咖喱汁：咖喱汁浓郁香滑，3大只吉列大虾外脆内嫩，蛋包饭经典配搭。手打汉堡蛋包饭蘑菇汁：手打汉堡肉质鲜嫩，蘑菇汁香浓，与蛋包饭非常搭配。草莓荔枝绿茶：这款饮品清新解渴，佢唔系台式饮品果只草莓和荔枝糖水，而系冷泡茶，有草莓和荔枝的清香，非常清爽。原本之前经过见到有$38既每日推介，不过问左店员，星期一至五先有，今次就试唔到，店员话每个月都有不同优惠推介，等我地揾个weekday再去试下。