Cafe Fabulous

营业中

休息中

楼上café愈黎愈多，但系要揾到一间啱自己心水嘅就真系几难。之前系openrice见到依间cafe，今日就约咗朋友一齐黎试下，估唔到竟然又平质素又非常高~芝士白汁火腿焗薯蓉($35)，一层焗得焦脆嘅芝士，铺上满满嘅火腿，薯蓉又滑又香，食落后好creamy，但系又唔会好腻。法式拼盘($78)，有炸鸡翼、吉列鱼柳、吞拿鱼同烟三文鱼迷你三文治、法式马卡龙。炸鸡翼系用蜜糖黎煎，焦焦甜甜好惹味。吉列鱼柳炸得非常软熟，淡淡嘅鱼柳味配上千岛酱更加入味。迷你三文治嘅面包系烘烤过，而吞拿鱼同烟三文鱼非常足料，不过烟文鱼就有少少咸。法式马卡龙有3款味道，外脆内软，唔会过份地甜。Tiramisu($28)，卖相一流，层层都系唔同嘅料，非常有口感，又好松软，咖啡味唔算太浓。总括黎讲，依度嘅野食相较其他café平得多，但系水准就不相伯仲，而且环境舒适，亦都有boardgames提供，系唔错嘅聚脚点。