水記

营业中

休息中

水记系我妈妈好钟意去嘅小菜馆，可能从前都系妈妈比钱，到宜家大个自己有能力埋单，先发觉点解哩度原来又平又正。咸菜猪肚汤，胡椒同咸菜味中庸。猪肚煲到软淋，仲有啲草菇同煲。暖暖胃，不错不错。送酒一流，街外好少见，仲要只系28蚊嘅卤水鸡什，正！卤水汁偏甜，咸度属低，卤得够火喉，入哂味，鸡什亦唔会干。同碟嘅系鹅肠唔系鸡肠，同样爽口。芥兰炒得爽脆无渣，调味带甜，略严多油咗小小。哩碗细嘅蚝仔粥，对我嚟讲系”窝”了，只少分到四个碗。加入冬菜嘅粥底，够哂咸香。蚝仔都够哂足料，大大粒，系有几粒老咗啲。