泰潮 (嘉咸街) (已結業)

过开中环做嘢、收工突然间想食泰国菜。上网一search、原来中环都唔少泰国菜。众多嘅泰国菜当中，我就最拣咗泰潮。一嚟泰潮好评众多，二嚟睇到餐牌价格都好相宜。未去到餐厅、我就已经拣好咗，要点晚市2人套餐B。晚市2人套餐B，有一个汤、两个小食、两个菜、一个例牌海南鸡、两个饭、同埋两件甜品。 咁多嘢食都只系$298，确系好抵。同埋份量其实三个人食都足够。冬荫功汤汤有猪肉丸、大虾同杂菌、都算系几足料。汤嘅味道好好，但如果可以再辣少少就更好喇。酸辣凤爪食酸辣凤爪，我最惊就系太过辣。泰潮嘅酸辣凤爪就刚刚好。而且凤爪就住每一只趾位剪开咗，一口一条，唔会话多咗几只趾会食到成咀都系。泰潮海南鸡泰潮嘅皇牌菜，鸡好滑好香，又唔见有脂肪。连埋鸡皮入口完全无罪恶感。点埋海南鸡用嘅酱汁，提升海南鸡嘅味道。再配埋鸡油香饭一齐食先系皇道。鸡油香饭有得拣香油鸡饭，当然会叫依个啦。粒粒饭都系金黄色，充满住鸡油嘅香味。可惜嘅系唔记得咗个2人套餐有招牌咖喱。早之应该叫一个鸡油香饭、另一人叫丝苗白饭。泰式炸虾饼拼春卷虽然单碟嚟睇份量唔算太多，但以整个2人套餐嚟讲，其实就好足够喇。虾饼弹牙有虾味。春卷就系斋春卷嚟，变咗唔会食太多