金柚泰國餐廳 (已結業)

大角咀近年食肆林立，好多新嘅餐厅都喺大角咀落户。餐厅种类好多，有中、有西、有日本野、有泰国嘢、有越南野、有小食店、火锅店、甜品店等等，有咁多餐厅，竞争难免变得激烈；然而，经得起竞争，能够留低嘅餐厅自然有返咁上下工架。几年前已经嚟过金柚，当时金柚的店面非常细；今日黎到，发现金柚已经搬左过隔离一个较为宽阔嘅舖位。我哋一行五个人来到金柚，万幸地占用到佢最后一张六人枱，唔使等位！打开餐牌，感觉价钱比普遍的泰国餐厅便宜；加上各位食友都饥肠辘辘，于是就放肆地叫左颇多的食物。最先出现嘅竟然系炒通菜，咪睇佢细细碟，其实份量一啲都唔少。通菜干而爽，颜色唔算绝顶翠绿，但惹味又够镬气，好食泰式炒金边粉唔会炒得太过干身，配料丰富，啖啖都食到红虾米、豆腐干、酸萝卜粒、芽菜、鸡肉等等嘅材料，捞埋旁边嘅花生碎一齐，口感非常丰富。今晚嘅主角出场 - 咖喱软壳蟹。我好钟意呢种加左好多蛋入去嘅咖哩汁，香甜唔太辣；酥炸过后嘅软壳蟹充分咁吸收左蛋香满满的咖喱汁，真系食到停唔到口。食晒啲软壳蟹之后，我哋都冇浪费到啲咖哩汁。我哋除咗厚厚咁淋d汁上蒜蓉包度食之外，仲要左几碗白饭黎捞咖喱汁。蚝饼系我无论食泰国嘢定系潮州嘢都必叫嘅食物